türk qızı

ترک قیز

بیر دنه سن آذری قیـــــز من سنه قوربان اولارام

جـــان وررم عشـــقیـــو من آذری اوغلان اولارام

سنین کیمی گوزل قیزا هر نه دئسم آذ دئمیشم

بول کی فقط گول اوزوو بولبول خوشخوان اولارام

سن نه دئسن من الــــرم دنیانی ریضوان الـــرم

قـــان سالارام جـــان ساتارام دردیو درمان اولارام

گر سنه چوخ آشــیق اولوب هامّیسینا گوستررم

کونلومی من یاندیرارام عشقــیو سلطان اولارام

دوداخلارین گول کیمیدی گوزلّیغین گون کیمیدی

ای قیز سنین قاش گوزووی گورند حیران اولارام

گر منه لــیــلا اولاسان عاشیق و شیدا اولاسان

من ده سنه سوز وئریرم مـجـــنون دوران اولارام

---

یاشاسین ترک قئیزلار بهشتین حوریلری...


برگرفته از:

http://tabrizlinks.mihanblog.com/post/429

شیرزاد

نازلاما(لالایی ترکی)

***

داغلارین لالاسینا

گؤزلرین قاراسینا

آنالار قوربان اولسون

اؤز کؤرپه بالاسینا .

***

قالالار آی قالالار

لاچین اوردا بالالار

آنالار بالا وئرمز

یوخسا گوجله آلالار.

***

دریا اوللام، بولاننام

سوجاق اوللام، سولاننام

ساغ گؤزوم سنه قوربان

سول گؤزومله دولاننام.

***

خیرداجاسان، مزه سن

سن هر گولدن تزه سن

قوربان اولوم اوگونه

آیاق توتوب گزه سن.

***

یول اوسته یولاق اوللام

آخارام بولاق اوللام

سن منیم اؤز بالامسان

اؤزوم گؤز قولاق اوللام.

نازلامالارکیتابیندان - مهدی دهقان

نازلاما(لالایی)

لای لای دئدیم یاتینجا/گوزلرم آی باتینجا

جانیم ذینحارا گلدی/سن حاسیله چاتینجا

بیر گول اکدیم بویونجا/اییلمدی دویونجا

عومروم گونوم اوزانسین/بو بالامین تویونجا

بالام یاتیر بئشیکده/بولبول اوخور ائشیکده

سن یوخویون آلگینان/من دورموشام کئشیکده

عزیزیم یاراسینا/قاشلارین قاراسینا

قوی آنان قوربان اولسون/اوره گینین پاراسینا

بالاما جان دئمیشم/آغلاما جان دئمیشم

بالام دیل آچان گونه/قوزو قوربان دئمیشم

من دئمیرم آی اولماز/یاز اولماسا یای اولماز

چوخ ننه لر قیز دوغار/بیزیم قیزا تای اولماز

  بودا گؤزل بیر نازلاما....  

http://www.aparat.com/v/ZtaGJ

   http://www.aparat.com/V/MEBAF

شیرزاد

بایاتیلار

بو دره باشدان گلر/سوزولوب باشدان گلر

هر کیم یارین ایسته سه /دوروپ او باشدان گلر

گویلر بولودلو گالدی/قوشلار اومودلو قالدی

آچاری یار بوینوندا/کونلوم کیلیدلی گالدی

دئمه هر نامرده /آماندیر،ییرتیلار پرده

چوخ اویما سن بو فرده/کی محرم اسرار اولماز

اوز هر لیک سان هاواسان/هر بیر درده داواسان

دردقاپیدان گلنده/سن باجادان قو وارسان

عزیزیم بادا گئتدی/یئل ووردو بادا گئتدی

دوشمن بیر ایش ایشله دی/گنج عمروم بادا گئتدی

فلکین ایشی دوشسون/آغزیندان دیشی دوشسون

اونوندا منیم کیمی/نامرده ایشی دوشسون

ن.شیرزاد